Dy të rinj të vdekur. Ky është bilanci tragjik i një asidenti rrugor që ka ndodhur orës 01:40, në supërstradën Lezhë – Shkodër, në vendin e quajtur “Ura e Dajçit”.
Sipas policisë një automjet tip “Benz”, me targa AA 929 FF, me drejtues 32-vjeçarin Gentian Toma, ka goditur nga mbrapa mjetin tip “IFA” me targa LE 3364 A, që drejtohej nga një 19-vjeçar.
Për pasojë kanë humbur jetën drejtuesi i mjetit “Benz”, Gentian Toma dhe pasagjeri po në këtë mjet 25-vjeçari Robert Ejlli, banues në Mabë – Lezhë.
Mësohet se përplasja e fortë i ka marrë jetën në vend Tomës dhe kushëririt të tij. Të dy të rinjtë nga fshati Mabë e Lezhës po ktheheshin në banesë.
Burime nga policia sqaruan se ishte makina e të rinjve që goditi nga pas kamionin i cili gjithashtu ka dalë nga rruga dhe ka përfunduar në kanal.
Një grup ekspertësh është duke punuar për të zbardhur shkaqet e aksidentit. Paraprakisht ata shkaku kryesor është shpejtësia tej normave të lejuara ndërsa shtojnë se ky aks gjatë natës është i vështirë për qarkullim pasi fushëpamja është e kufizuar.
